وریستین ورستین اوردن بهیگه
به سر چادر اسپید و عفتو وه تیگه
ددوم درگل جم بکن دور چاله
بکش پیش پاس گو تو نر میش کاله
ز آستاره ها گل بریزین به شونس
بدین مه وافتونه سی ری گشونس
ددوم رو بکن چالنه پر ز انگــِـشت
بریزین به چاله مل گرگ و دینشت
بگوین میشکاله بکش ساز کرنا
جغل یل سی بازی وریستانه وا پا
بزن ترکه بازی و چوپی و سرناز
وری میشکال دی بکن هف منه ساز
بوازین و تشمال برین وانیاسون
برین خرسکانه ونین زیر پاسون
بهیگه برین در بدین دور تش گر
بریزین به تش زاج اسپید و کندر
وریستین بهیگه اوردن سواره
ز آستاره میل پا و دستینه دارهسی نفتس یه خالک ز افتو بیارین
سی گوشواره هاس مهنه از رو درارین
نِها تش وه که برچ برچ جهازس
بدین هرچی خواسته ولا ایبرازس
جهازه برین و بچینین سر چل
بخونین دوا لالی و هی گل هی گل
دوانه بگوین رخت نونه به ور کن
وری زیتری گو دی ماله خـَـوَر کن
بزن میشکال تا که مردم جم آبون
دهل کو بکو گوش شیطونه کر کن
بوازین سه پا و بگردین به چوپی
دهل کو بکو چوب سرناز و کرکی
بگوین هی گل هی گل سی بخت سفیدس
بریزین نمک پر چشم حسیدس
بوازین سه پا و بگردین به چوپی
دهل کو بکو چوب سرناز و کرکی
بگوین هی گل هی گل سی بخت سفیدس
بریزین نمک پر چشم حسیدس
نظرات